Team KN
கோவை மாவட்டம் இரத்தினபுரி மாநகராட்சி ஆரம்பப் பள்ளியில் இன்று (அக்.15) அப்துல் கலாம் ஐயா பிறந்த தினம், கை கழுவும் தினம் மற்றும் உலக மாணவர் தினம் கொண்டாடப்பட்டது. கொண்டாட்டத்தின் போது மாணவர் மாணவியர்கள் பலர் அப்துல் கலாம் முகமூடி அணிந்து வந்திருந்தனர்.
மேலும் அவரின் சாதனையான ஏவுகணை முன் அனைவரும் நின்று புகைப்படம் எடுத்துக் கொண்டனர். அவரின் பொன்மொழிகளை கரங்களில் ஏந்தி மாணவர்கள் உறுதிமொழியும் எடுத்துக் கொண்டனர்.
மேலும் அவரின் பெரும் கனவான மரம் நடுதலில் ஈடுபட்டு குழந்தைகள் கொண்டு வந்த அழகிய மலர் செடிகளை இன்று (அக்.,15) தங்கள் கரங்களினால் பள்ளி வளாகத்தில் நட்டனர். அழகிய மலர்ச்செடிகளை கொண்டு வந்த அனைவரையும் தலைமை ஆசிரியர் திருமதி சரோஜா அவர்கள் வாழ்த்தினார்.
