Team KN
கோவையில் மதியம் வரை மட்டுமே பள்ளிகள் இயங்கும் என மாவட்ட ஆட்சியர் அறிவித்துள்ளார்.
தமிழகத்தில் பல்வேறு மாவட்டங்களில் கன மழை பெய்து வருகிறது. அதன்படி கோவை மாவட்டத்திலும் கடந்த மூன்று நாட்களுக்கும் மேலாக மதியத்திற்கு மேல் கன மழை பெய்து வருகிறது. இதனால் வாகன ஓட்டிகள், பள்ளி மாணவ, மாணவிகள், வேலைகளுக்கு செல்வோர் சிரமத்திற்கு உள்ளாகி வருகின்றனர்.
இந்நிலையில் கனமழையின் காரணமாக கோவை மாவட்டத்தில் செயல்படும் அரசு பள்ளிகள், அரசு உதவி பெறும் பள்ளிகள் மற்றும் தனியார் பள்ளிகள் இன்று (அக்டோபர்.15) மதியம் வரை மட்டுமே இயங்கும் எனவும் மதியத்திற்கு மேல் விடுமுறை எனவும் கோவை மாவட்ட ஆட்சித் தலைவர் கிராந்தி குமார் பாடி அறிவித்துள்ளார்.
