Risvan
ராஜ்குமார் இயக்கி சிவகார்த்திகேயன் நடிப்பில் தீபாவளி விருந்தாக வெளிவந்த அமரன் திரைப்படம் அடங்காத அசுரன் ராயன் படத்தின் லைஃப் டைம் வசூல் சாதனையை அசால்ட்டாக முறியடித்து உள்ளது.
அமரன் படம் தான் தற்போது தமிழ்நாட்டின்
தீபாவளி பந்தயத்தில் வசூலில் மிகப்பெரிய ரெக்கார்ட் பிரேக்கிங் செய்து வருகிறது. இப்படத்தை பார்த்துவிட்டு பாராட்டாத ஆளே இல்லை என சொல்லும் அளவிற்கு இப்படத்தின் தாக்கம் ரசிகர்களிடையே மிகப்பெரிய வரவேற்பு கிடைத்து வருகிறது. அமரன் திரைப்படத்தை ரசிகர்கள் மட்டுமின்றி திரைப்பிரபலங்களும் கொண்டாடி வருகின்றனர்.
அதிலும் தமிழ் சினிமாவின் உச்ச நட்சத்திரங்களான ரஜினிகாந்த், சூர்யா, சிம்பு என பல நடிகர்கள் படத்தை பார்த்துவிட்டு தங்களது பாராட்டுக்களை தெரிவித்து வருகின்றனர். அது போல தமிழக முதல்வர் ஸ்டாலின் அமரன் படத்தை பார்த்து விட்டு தன்னுடைய பாராட்டையும் சமர்ப்பித்துள்ளார்.
அமரன் திரைப்படம் விமர்சன ரீதியாகவும், வசூல் ரீதியாகவும் மாபெரும் வசூல் சாதனை செய்து வருகிறது. நடிகர் சிவகார்த்திகேயனின் கெரியரில் முதல் நாளில் அதிக வசூல் அள்ளிய படம் தான் அமரன்.
இப்படம் ரிலீஸ் ஆன முதல் நாளிலே உலகளவில் ரூ.42 கோடி வசூலித்து ரெக்கார்டு பிரேக்கிங் செய்து வருகிறது. இதையடுத்து ரஜினி, விஜய்க்கு அடுத்தபடியாக அதிவேகமாக 100 கோடி வசூலை எட்டிய கதாநாயகனாக சிவகார்த்திகேயன் உருவெடுத்துள்ளார். அமரன் திரைப்படம் ரிலீஸ் ஆன மூன்றே நாட்களில் 100 கோடி வசூல் ஈட்டியது.
அது போல சிவகார்த்திகேயனின் கெரியரில் அதிக வசூல் ஈட்டிய படமாகவும் அமரன் தக்கவைத்துள்ளது. இதுவரை அவரது கெரியரில் பெஸ்ட் படமாக டான் இருந்து வந்த நிலையில், அதன் வசூல் சாதனையை அமரன் படம் நான்கே நாட்களில் முறியடித்து துவம்சம் செய்து உள்ளது . டான் திரைப்படம் 125 கோடி வசூலித்திருந்தது. இப்படி பாக்ஸ் ஆபிஸில் சாதனை மேல் சாதனை படைத்து வரும் அமரன் திரைப்படம் தற்போது அடங்காத அசுரன் தனுஷ் நடித்த ராயன் படத்தின் லைஃப் டைம் வசூல் சாதனையை முறியடித்து உள்ளது.
தனுஷ் இயக்கி, ஹீரோவாக நடித்த படம் ராயன். கடந்த ஜூலை மாதம் திரைக்கு வந்த இப்படம் பாக்ஸ் ஆபிஸில் ரூ.156 கோடி வசூலித்து இருந்தது. இந்த வசூலை ஆறே நாட்களில் முறியடித்து தனித்துவமாக மாஸ் காட்டி வருகின்றது அமரன். அதுமட்டுமின்றி இன்னும் சில தினங்களில் அமரன் திரைப்படம் பாக்ஸ் ஆபிஸில் ரூ.200 கோடி அசால்டாக எட்டிப்பிடிக்கும் என கூறப்படுகிறது. இதன்மூலம் கோலிவுட்டின் அடுத்த பாக்ஸ் ஆபிஸ் கிங் ஆக உருவெடுத்துள்ளார் சிவகார்த்திகேயன்.
