தமிழ் சினிமாவின் “குவெண்டின் டேரண்டினோ”என அழைக்கப்படும் கார்த்திக் சுப்புராஜ் இயக்கத்தில் சூர்யா நாயகனாகவும் , பூஜா ஹெக்டே நாயகியாகவும் நடித்துள்ள சூர்யா 44 திரைப்படத்தின் ரிலீஸ் தேதி இணையத்தில் கசிந்துள்ளது.

Kanguva Suriya

சூர்யா நடிப்பில் தற்போது ரிலீஸுக்கு தயாராக உள்ள படம் கங்குவா. சிறுத்தை சிவா இயக்கியுள்ள இப்படம் வருகிற நவம்பர் 14ந் தேதி தியேட்டர்களில் ரிலீஸாக தயாராக உள்ளது. இப்படத்தில் நடிகர் சூர்யாவுடன் திஷா பதானி, பாபி தியோல், கருணாஸ், நட்டி நட்ராஜ் என மிகப்பெரிய நட்சத்திர பட்டாளமே அதிரடியாக நடித்துள்ளனர் . இப்படத்தை ஸ்டூடியோ கிரீன் நிறுவனம் சார்பில் ஞானவேல் ராஜா தயாரித்து உள்ளார்.

இப்படம் தமிழ், தெலுங்கு, இந்தி, மலையாளம், கன்னடம் உள்பட 10க்கும் மேற்பட்ட மொழிகளில் ரிலீஸ் ஆக உள்ளது.
கங்குவா படத்தின் புரமோஷன் பணிகளில் பிசியாக உள்ளார் சூர்யா. கங்குவா மட்டுமின்றி நடிகர் சூர்யா மற்றொரு படத்திலும் நடித்து முடித்துள்ளார். கார்த்திக் சுப்புராஜ் இயக்கத்தில் சூர்யா நடித்துள்ள அப்படத்திற்கு இன்னும் பெயரிடவில்லை அப்படத்தை சூர்யாவின் 2டி நிறுவனம் தான் தயாரித்து உள்ளது. இப்படத்திற்கு சந்தோஷ் நாராயணன் இசையமைத்து வருகிறார்.

சூர்யாவின் 44 படத்தின் படப்பிடிப்பு அந்தமான், சென்னை உள்ளிட்ட பகுதிகளில் நடைபெற்றது. இப்படத்தின் ஒட்டுமொத்த படப்பிடிப்பும் முடிந்து தற்போது பின்னணி பணிகள் விறுவிறுப்பாக நடைபெற்று வருகிறது. இப்படம் அதிரடி கலந்த கேங்ஸ்டாராக உருவாகி உள்ளது. இந்நிலையில், இப்படத்தின் ரிலீஸ் தேதியும் உறுதியாகி உள்ளதாக சமூக வலைதளங்களில் பேச்சு வார்த்தை அடிபடுகிறது. அதன்படி சூர்யா 44 படத்தை அடுத்த ஆண்டு ரிலீஸ் செய்ய திட்டமிட்டுள்ளனர் படக்குழுவினர்.

அதுவும் மார்ச் மாதமே சூர்யா 44 படத்தை வெளியிட திட்டமிட்டுள்ளனர் .மார்ச் 28-ந் தேதி இப்படத்தை ரிலீஸ் செய்யும் நோக்கத்தில் உள்ளதாம் படக்குழுவினர். இதனால் சூர்யா ரசிகர்கள் உற்சாகம் அடைந்துள்ளனர். சூர்யாவின் படம் திரையரங்கில் ரிலீஸ் ஆகி கிட்டத்தட்ட இரண்டரை ஆண்டுகள் ஆகிவிட்டன அவர்களின் காத்திருப்புக்கு டபுள் ட்ரீட் கொடுக்கும் விதமாக கங்குவா மற்றும் சூர்யா 44 படங்கள் ரிலீஸ் ஆக உள்ளதால் ரசிகர்கள் மிகந்த உற்சாகத்தில் இருக்கின்றனர்.

Report