கோவை மாநகராட்சி 27வது வார்டு, பீளமேடு கோபால் நகர் பகுதியில் சாலையோரத்தில் உள்ள குப்பைகள் அகற்றும் பணி இன்று (ஜனவரி 29) நடைபெற்றது. வார்டு கவுன்சிலர் அம்பிகா தனபால் நேரில் சென்று பார்வையிட்டு, தூய்மை பணியாளர்களிடம் முழுமையாக சுத்தம் செய்யுமாறு பணித்தார்.
அதேபோல், பீளமேடு பவுண்ட் ரோடு பகுதியில் இன்று (ஜனவரி 29) சாக்கடை மற்றும் சாலையோர செடிகளை அகற்றும் பணி மேற்கொள்ளப்பட்டது. வார்டு கவுன்சிலர் நேரில் சென்று ஆய்வு செய்து, பணிகளை முழுமையாக நிறைவேற்றுமாறு பணியாளர்களிடம் கூறினார்.
மேலும், 27வது வார்டு, பீளமேடு தூக்கினார் வீதி பகுதியில் சாக்கடை சுத்தம் செய்யும் பணி இன்று (ஜனவரி 29) நடைபெற்றது. வார்டு கவுன்சிலர் அம்பிகா தனபால் நேரில் சென்று பார்வையிட்டு, முழுமையாக சுத்தம் செய்யுமாறு பணியாளர்களிடம் கூறினார்.
குடியேறி ராஜகோபால் லேஅவுட் பகுதியில் தினசரி குப்பை சேகரிக்கும் ஆட்டோ சரியாக வருகிறதா என்று வார்டு கவுன்சிலர் இன்று (ஜனவரி 29) ஆய்வு செய்தார். மேலும், பொதுமக்களுக்கு மக்கும் மற்றும் மக்காத குப்பைகளை தனித்தனியாக பிரித்து வழங்க அறிவுரை வழங்கினார்.
காரமடை 19வது வார்டில் கழிவுநீர் கால்வாய் புதுப்பிக்க பூமி பூஜை நடைபெற்றது
காரமடை நகராட்சி 19வது வார்டில் கழிவுநீர் கால்வாயை புதுப்பிக்க பூமி பூஜை இன்று (ஜனவரி 29) நடைபெற்றது. இந்த நிகழ்வு காரமடை நகர மன்ற தலைவர் திருமதி உஷா வெங்கடேஷ் ஏற்பாட்டில் நடைபெற்றது. நிகழ்வில் திமுக கழக நிர்வாகிகள் மற்றும் பொதுமக்கள் கலந்து கொண்டனர்.
