கோவை பெரியநாயக்கன் பாளையம் அருகே உள்ள நாயக்கன்பாளையம் பகுதியைச் சேர்ந்த தேவராஜ் என்பவரின் தோட்டத்திற்கு இன்று (ஜனவரி 21, 2025) அதிகாலை 3 மணிக்கு உணவு தேடி 6 யானைகளின் கூட்டம் வந்தது.
இந்த நேரத்தில், தேவராஜன் சகோதரர் மட்டும் வீட்டில் இருந்தார். யானை கூட்டத்தின் சத்தத்தை கேட்டு அவர் அச்சத்தில் வீட்டில் இருந்தே வெளியே வராமல் இருந்தார்.
யானை கூட்டம் அங்கு இருந்த கால்நடைகளின் தவிடு, புண்ணாக்கு மற்றும் தீவனங்களை தின்றதுடன், அதேபோல பயிரிடப்பட்டிருந்த தென்னை மரங்களையும் சேதப்படுத்தி சென்றது.
இந்த சம்பவம் அங்கு பொருத்தப்பட்டிருந்த கண்காணிப்பு கேமராவில் பதிவாகியுள்ளது. அந்த வீடியோ தற்போதுவரை சமூக வலைதளங்களில் வைரலாகி வருகிறது.
